Մասնագիտական գրքեր ու հայհոյանքներով գրառումներ գրող փաստաբանը. Ալեքսանդր Սիրունյան

3 օր շարունակ՝  խորհրդարանի նիստերի դահլիճին կից սրահում դրված էր քվեարկության համար նախատեսված քվեատուփն ու հաշվիչ հանձնաժղովի անդամների աթոռներն ու սեղանը, սակայն ՔՊ-ի ներկայացրած ԲԴԽ անդամի թեկնածու Ալեքսանդր Սիրունյանի քվեարկությունը այդպես էլ տեղի չունեցավ։ Ժամեր առաջ Սիրունյանը որոշել է իր կամքով  հրաժարվել Բարձրագույն դատական խորհրդի անդամի իր թեկնածությունից։ Հայհոյանքներով ու վիրավորանքներով հայտնի Սիրունյանի թեկնածությունը ԱԺ֊ում քննարկվեց բավականին թեժ մթնոլորտում, և այդպես էլ չհասկացվեց՝ գրեթե բոլորի կողմից անցանկալի ու քննադատության արժանացած փաստաբանի թեկնածությունն  ով ու ինչու էր առաջադրել որպես ԲԴԽ անդամ։