«3+3» տարածաշրջանային խորհրդատվական հարթակը հեռանկարային մեխանիզմ է․ Զախարովա
ՌԴ ԱԳՆ ներկայացուցիչ Մարիա Զախարովան ճեպազրույցի ժամանակ նշել է, որ դեռևս բարդ է կանխորոշել, թե ինչ քաղաքականություն կորդեգրի ԱՄՆ նորընտիր նախագահ Դոնալդ Թրամփի վարչակազմը Հարավային Կովկասի վերաբերյալ։ Նախորդ տարիների փորձը ցույց է տալիս, որ տարածաշրջանի գործերին ոչ տարածաշրջանային խաղացողների, և առաջին հերթին, ԱՄՆ-ի ու ԵՄ-ի խառնվելու փորձերը ոչ մի լավ բանի չեն բերում։
«Բազմիցս նշել ենք, որ Բաքվի և Երևանի միջև հաշտության ներկայիս ճանապարհային քարտեզը և ամուր, կայուն խաղաղության ուղին մատնանշված է ՀՀ-ի, Ադրբեջանի և ՌԴ-ի առաջնորդների եռակողմ համաձայնագրերում։ Մենք աջակցում ենք Բաքվի և Երևանի ուղիղ երկխոսությանը, միշտ պատրաստ ենք ցույց տալ պահանջված առջակցությունը հայկական և ադրբեջանական գործընկերներին հարաբերությունների կարգավորման բոլոր ուղղություններով՝ բալանսավորված խաղաղության պայմանագրի մշակման, տրանսպորտային և տնտեսական կապերի ապաշրջափակման, սահմանգծման և սահմանազատման, քաղաքացիական հասարակության միջև կոնտակտների զարգացման հարցում՝ կայուն խաղաղության և բրագավաճման հասնելու նպատակով», – նշել է Զախարովան։
Ինչ վերաբերում է «3+3» տարածաշրջանային խորհրդատվական հարթակին, ապա այն հեռանկարային մեխանիզմ է, կարծում է ՌԴ ԱԳՆ ներկայացուցիչը։ Նրա խոսքով՝ այս ձևաչափը ոչ մի առնչություն չունի Արևմուտքի հետ։ Այն իր առաջադրանքներն, իր նպատակներն ունի։ Ոչ մի թաքնված օրակարգ չկա։
