Պայթյուն և հրդեհ Կալիֆորնիայի նավթավերամշակման գործարանում․ կան տուժածներ

Կալիֆորնիայի Մարտինես քաղաքում նավթավերամշակման գործարանում պայթյուն է տեղի ունեցել, ինչի հետևանքով հրդեհ է բռնկվել․ առնվազն երեք մարդ  է տուժել։

The Mercury News-ի լրագրողները պարզել են, որ պայթյունի և ուժեղ հրդեհի պատճառը եղել է ածխաջրածինների արտահոսքը։ Հրդեհի բռնկումից միայն երեք ժամ անց է տնային պայմաններում մնալու հրաման  տրվել։ Բացի այդ, հրշեջ ծառայությունները չեն պատկերացրել միջադեպի մասշտաբները և դժվարությամբ են հասել հրդեհի վայր։

Ընկերության երեք աշխատակից թեթև վնասվածքներ է ստացել։ Գործարանի բոլոր աշխատակիցները տարհանվել են։ Փողոցը, որտեղ տեղի է ունեցել միջադեպը, այժմ արգելափակված է, Ավտոմեքենաների երթևեկությունը՝ դադարեցված։

Հայտարարվել է նաև քիմիական վտանգի երկրորդ աստիճան։