Ադրբեջանը դուրս է գալիս Իսրայելի բնական գազի շուկա

Ադրբեջանի պետական նավթային ընկերությունն (SOCAR) իսրայելցի գործարար Ահարոն Ֆրենկելից ձեռք կբերի երկրի Միջերկրական ծովի ափին գտնվող «Թամար» բնական գազի ջրամբարի 10 տոկոս բաժնետոմսերը:

Գործարքի ֆինանսական մանրամասները չեն բացահայտվել։ Ադրբեջանի պետական նավթային SOCAR ընկերությունը բաժնետոմսերը գնել է Union Energy-ից, որը վերահսկվում է Ֆրենկելի կողմից։ Դեռևս 2022 թվականին Ֆրենկելն Աբու Դաբիի Mubadala Petroleum ընկերությունից գնել է «Թամար» գազի հանքավայրի 11% բաժնետոմսը՝ մոտ 520 միլիոն դոլարով։

2009 թվականին հայտնաբերված «Թամար» տեղանքում բնական գազը սկսել է հոսել 2013 թվականին: Իսրայելի երկրորդ ամենամեծ ջրամբարը, որը գտնվում է Միջերկրական ծովում Հայֆայից մոտ 90 կմ դեպի Արևմուտք, պարունակում է մոտ 10 տրիլիոն խորանարդ ֆուտ բնական գազ:

SOCAR-ը նշել է, որ գործարքը «արտասահմանյան երկրներում ռազմավարական ակտիվներում բաժնետոմսեր ձեռք բերելու… արտադրական տարածքն ընդլայնելու նպատակով» ծրագրի մի մասն է:

Ամերիկյան Chevron էներգետիկ հսկան ունի 25% բաժնետոմս «Թամար» գազի հանքավայրում։ Իսրայելական գազի ջրամբարի մյուս գործընկերներն են Isramco-ն, Tamar Investment 2-ը, Tamar Petroleum-ը և Dor Gas-ը:

Սա SOCAR-ի կողմից Իսրայելի բնական գազի շուկա դուրս գալու առաջին փորձը չէ։ 2023 թվականին SOCAR-ը միացել է կոնսորցիումին, որը ներառում է բրիտանական նավթագազային BP և NewMed Energy ընկերությունները՝ լիցենզիաներ ստանալու համար ծովում գտնվող բնական գազի հանքավայրերի հետազոտման և հայտնաբերման համար Իսրայելի Լևիաթան հանքավայրի ՝ աշխարհի ամենամեծ խորջրյա գազի հայտնագործություններից մեկի հարևանությամբ:

Իսրայելի հետ Ադրբեջանի Հանրապետության դաշինքը բարդ է, քանի որ այն գտնվում է Իրանի սահմանին, ինչը նրան դարձնում է Երուսաղեմի գայթակղիչ ռազմավարական գործընկեր: Հարաբերությունները վերջին տարիներին բարգավաճել են Հայաստանի հետ հակամարտության ընթացքում Ադրբեջանին Իսրայելի աջակցության հետևանքով:
Իսրայելը Ադրբեջանի առաջատար զենք մատակարարողներից մեկն է։ Իսրայելի ազգային անվտանգության մեջ Ադրբեջանի ամենակարևոր ներդրումը նավթն է։