04 Ապր
2025
14.1° c ԵՐԵՎԱՆ
9.9° c ՍՏԵՓԱՆԱԿԵՐՏ
ABCMEDIA
Հայ հրաձիգների եռյակը դարձել է Եվրոպայի առաջնության արծաթե մեդալակիր

Հայ հրաձիգների եռյակը դարձել է Եվրոպայի առաջնության արծաթե մեդալակիր

Էստոնիայի մայրաքաղաք Տալլինում ընթացող հրաձգության Եվրոպայի առաջնությունում Հայաստանի թիմի ներկայացուցիչները` Գոռ Մանուչարյանը, Գրիգոր Պողոսյանը, Արմեն Գևորգյանը դարձել են Մ18 տարեկանների Եվրոպայի առաջնության արծաթե մեդալակիր։ Տեղեկությունը հայտնում է Հայաստանի հրաձգության ֆեդերացիան։

«Մրցումային վերջին օրը Մ18 տարեկանների պայքարում 10 մ օդամղիչ ատրճանակ տրիո մրցաձևում մեր տղաները նվաճեցին արծաթե մեդալ։ Գոռ Մանուչարյան- Գրիգոր Պողոսյան- Արմեն Գևորգյան եռյակը որակավորման փուլում խոցեց 880 միավոր և դուրս եկավ կիսաեզրափակիչ։ Կիսաեզրափակչում 12:10 հաշվով առավելության հասան Լեհաստանի թիմի նկատմամբ, իսկ արդեն եզրափակիչում 8:12 հաշվով զիջեցին բուլղարացիներին և դարձան ԵԱ-ի արծաթե մեդալակիր»,–նշված է հաղորդագրության մեջ։

Ռազմագերիներ