Գերմանիան չի համաձայնվի Ուկրաինայի շուրջ ստեղծված իրավիճակում պարտադրված խաղաղությանը․ Շոլց
Գերմանիայի կանցլեր Օլաֆ Շոլցը քննադատել է ԱՄՆ նախագահ Դոնալդ Թրամփին՝ առանց Եվրոպայի մասնակցության Ռուսաստանի հետ բանակցությունների նախապատրաստվելու համար և հայտարարել է, որ Գերմանիայի իշխանությունները չեն համաձայնի Ուկրաինայի շուրջ ստեղծված իրավիճակում պարտադրված խաղաղությանը․ փոխանցում է ТАСС գործակալությունը։
«Պարտադրված խաղաղությունը երբեք չի գտնի մեր աջակցությունը», – պնդել է նա՝ ելույթ ունենալով Մյունխենի անվտանգության համաժողովում։
Կանցլերի խոսքով՝ «Ուկրաինայի փլուզումը խաղաղության չի հանգեցնի, իսկ սահմանները չեն կարող փոխվել ուժով»:
Շոլցի կարծիքով՝ անհրաժեշտ է շարունակել զինել Ուկրաինան նույնիսկ խաղաղության կնքումից հետո, և «քանի դեռ դա անհրաժեշտ է» կարգախոսը չի փոխվի անգամ թնդանոթները լռելուց հետո։
