«Հայ ազգը վտանգավոր կացության մեջ է»․ ազգային երեք կուսակցությունների հայտարարությունը
Ազգային երեք կուսակցությունները հայտարարություն են տարածել․
««Չորեքշաբթի, փետրուար 12, 2025-ի երեկոյան, ՀՅԴ-ի Գլենդելի կենտրոնատեղիում, ՍԴՀԿ-ի, ՀՅԴ-ի և ՌԱԿ-ի Արևմտյան Ամերիկայի ղեկավարության ներկայացուցիչները ունեցան երկժամեայ հանդիպում, որի ընթացքում արծարծվել են Հայաստանի և Արցախահայութեան իրավիճակն ու տագնապները, Արևմտյան Ամերիկայի հայության և հատկապէս այստեղի հայ երիտասարդության դիմագրաված ազգային բնագավառի մարտահրավերները, ինչպես նաև մեր տեղական ազգային կյանքին հուզող հարցեր: Հանդիպմանը ՍԴՀԿ-ից մասնակցել են Միհրան Խաչատուրյանը (ատենապետ), Ռուբեն Մուղալյան և Գրիգոր Մոլոյանը, ՀՅԴ-ից՝ Կարօ Մատէնլյան (ատենապետ), Տարոն Տեր -Խաչատուրյան և Արմեն Հովհաննիսյանը, ՌԱԿ-ից՝ Թամար Փոլատյան-Փերոնը (ատենապետ), Կարո Քիւփէլյանը և Գևորգ Գրիգորյանը:
Հանդիպման ընթացքում շեշտը դրվել է Հայոց Ցեղասպանության ճանաչումն ու հատուցումը հավելյալ թափով ու առանց վարանամն կամ ընկրկման հետապնդելուն, Արցախահայության՝ իր հայրենիք վերադարձի իրավունքը ապահովելուն, Բաքվում գերեվարված Արցախի ղեկավարության և այլ արցախահայ քաղբանտարկյալների ազատ արձակման, ինչպես նաև ի հեճուկս մեր առջև ծառացած բոլոր դժվարությունների, մեր անկախ հայրենի պետականությանը առավելագույն ուժերի լարումով և նպատակասլաց աշխատանքով նեցուկ կանգնելուն վրա։ Ցեղասպան Թուրքիայի և նրա գործընկեր Ադրբեջանի հայաջինջ քաղաքականությունը առկա է նաև այսօր: Հանդիպման ընթացքում որոշվեց նախորդ տարիներին հաստատված ավանդույթներով ու միացյալ ճիգերով նոր թափ տալ գաղութային Ապրիլյան ոգեկոչման միացյալ կառույցին (AGC-UACLA), և միասնական մասնակցել նախատեսված Ապրիլյան ոգեկոչումներին: Նախատեսվում են նաև երեք կուսակցությունների համատեղ ու համահունչ ճիգերով ազգային և գաղութային այլ օրակարգեր տանել առաջ:
Ակնհայտ է որ Հայ ազգն ու հայրենիքը վտանգավոր կացության մեջ են, ու դարձյալ գտնվում ենք դժվարությունների ու աշխարհաքաղաքական թոհուբոհի մեջ: Արդ, մեր կոչն է բոլորին համախմբվել մեր ազգային ու միութենական կառույցների շուրջ, կառչած մնալ ազգային պահանջատիրությանը, արժեքներին և մեր իրավունքներին, ու մասնակցություն ունենալ ազգի անվտանգության և բարորության օգտի համար: Ահա ա՛յդ է ճիչը մեր բյուրավոր ու սրբադասված նահատակների:
ՍԴՀԿ Արևմտյան Ամերիկայի Վարիչ Մարմին
ՀՅԴ Արևմտեան Ամերիկայի Կենտրոնական Կոմիտե
ՌԱԿ Արևմտեան Ամերիկայի Շրջանային Վարչություն»։
