Արցախի նախագահն այցելել է ԱԱԾ

Սեպտեմբերի 13-ին ԱՀ նախագահ Սամվել Շահրամանյանը այցելել է ազգային
անվտանգության ծառայություն․ հայտնում է ԱՀ նախագահի աշխատակազմի տեղեկատվության գլխավոր
վարչությունը։

Գերատեսչության ղեկավար կազմի և կենտրոնական ապարատի պատասխանատուների
հետ հանդիպման ընթացքում անդրադարձ է կատարվել
հանրապետության արտաքին ու ներքին միջավայրին և հնարավոր զարգացումներին:

Շահրամանյանն ընդգծել է՝ պատասխանատու այս ժամանակաշրջանում համակարգված
աշխատանք իրականացնելու, երկրում  ներքին կայունությունը
և օրենքի գերակայությունը պահպանելու անհրաժեշտությունը։