Ռուսաստանի կառավարությունը ժամանակավորապես արգելել է կոշտ ցորենի
արտահանումը․ տեղեկացրել է ՌԴ կառավարության մամուլի ծառայությունը։
«Ռուսաստանը ժամանակավոր սահմանափակում է մտցնում երկրից կոշտ ցորենի
արտահանման վրա։ Որոշումն ուղղված է պարենային անվտանգության ապահովմանը և կնպաստի
ներքին շուկայում կոշտ ցորենի արտադրանքի գների կայուն վիճակի պահպանմանը»,- հայտնել
են Կառավարությունից։
Ժամանակավոր սահմանափակումը կգործի մինչև 2024 թվականի մայիսի
31-ը։
Կոշտ ցորենի արտահանումը թույլատրվում է ԵԱՏՄ երկրներ՝ Հայաստան,
Բելառուս, Ղրղզստան և Ղազախստան՝ կառավարության որոշմամբ սահմանված քվոտաների շրջանակներում՝
Ռուսաստանի գյուղատնտեսության նախարարության կողմից տրված թույլտվության դեպքում։
Բացառություններ են նախատեսված նաև միջազգային մարդասիրական օգնություն
տրամադրելու, ինչպես նաև Աբխազիա և Հարավային Օսիա արտահանելու համար։
