Պենտագոնի ղեկավար նախկին խորհրդականն Իսրայելին կոչ է արել հրթիռային հարված հասցնել Թուրքիային
ԱՄՆ-ի պաշտպանական գերատեսչության՝ Պենտագոնի ղեկավարի նախկին խորհրդական Մայքլ Ռուբինի խոսքերը հայտնվել են թուրքական մամուլի ուշադրության կետնրոնում, գրում է Ermenihaber-ը։
Շրջանառվող լուրերում նշվում է, որ Ռուբինն Իսրայելին կոչ է արել հարվածել Թուրքիային՝ պնդելով, որ վերջինս մտադիր է ատոմային զենք ստեղծել:
Թուրքական մամուլի գլխագրերում հիմնականում որպես սկանդալային որակված տեղեկության մեջ նշվում է, որ Ռուբինը մասնավորապես ասել է.
«Իսրայելը պետք է հրթիռակոծի Աքքույուն (Մերսին նահանգում գտնվող ատոմակայան), իսկ ՆԱՏՕ-ն պետք է Թուրքիային հեռացնի իր կազմից»:
Նրա խոսքով՝ Թուրքիան ցանկանում է նաև վերականգնել Օսմանյան կայսրությունը:
