Ուկրաինական ԱԹՍ-ների գրոհի պատճառով ՌԴ-ից Հունգարիա նավթի մատակարարումը դադարեցվել է

Ռուսաստանից Հունգարիա նավթի մատակարարումները դադարեցվել են Ուկրաինայի Զինված ուժերի անօդաչու թռչող սարքերի՝ «Դրուժբա» նավթամուղի չափիչ կայանի վրա հարձակման պատճառով․  РИА Новости-ի փոխանցմամբ այս մասին հայտարարել է Հունգարիայի արտաքին գործերի և առևտրի նախարար Պետեր Սիյարտոն։

Սիյարտոն անընդունելի է անվանել Ուկրաինայի զինված ուժերի հարձակումը նավթամուղի վրա։

Նա հայտարարել է, որ Հունգարիան դիտարկում է ուկրաինացիների կողմից Հունգարիայի էներգամատակարարման համար կարևոր ենթակառուցվածքների վրա հարձակումը որպես հարձակում իր ինքնիշխանության վրա։