Նեթանյահուն դատի է տվել Իսրայելի պաշտպանության նախկին նախարարին՝ Կատարից միլիոնավոր դոլարների մասին հայտարարության համար
Իսրայելի վարչապետ Բենիամին Նեթանյահուն հայտարարել է, որ դատի է տալիս իր նախկին պաշտպանության նախարար Մոշե Յաալոնին այն մեկնաբանությունների համար, ըստ որոնց վարչապետը գումար էր ստանում Կատարից՝ Դոհայի և վարչապետի աշխատակազմում աշխատող մի քանի պաշտոնյաների ենթադրյալ կապերի հետաքննության ֆոնին․գրում է Times of Israel-ը:
Kan ռադիոյին տված հարցազրույցում Յաալոնը ենթադրել է, որ էմիրաթական հետախուզության փաստաթղթերը «չապացուցված հետախուզական տեղեկություն» են պարունակում, ինչը վկայում է, որ վարչապետը 2012 թվականին 15 միլիոն դոլար է ստացել, իսկ 2018 թվականին՝ 50 միլիոն դոլար՝ Կատարից:
Նեթանյահուն սոցիալական ցանցերում հրապարակված տեսանյութում Յաալոնին մեղադրել է քամահրելի ստեր տարածելու մեջ և զգուշացրել, որ ինքը որոշել է այլևս չլռել։
Ըստ Իսրայելի վարչապետի՝ Յաալոնի հայտարարությունները իր և իր ընտանիքի դեմ ուղղված ավելի լայն «շորթման սպառնալիքների արշավի» մի մասն են:
