Հատուկջոկատայինները «Գրանդ Հոլդինգի» սեփականատերերի թիկնազորի մեքենայում ապօրինի զենք են փնտրել. Hayastan.news

Ինչպես հայտնի է՝ Ներքին գործերի նախարարությունը  վերջերս պարբերաբար գործողություններ է իրականացնում թիկնազորով շրջելու «մշակույթի» դեմ։ Հատկանշական է, որ ՆԳՆ թիրախում են և՛ ընդդիմադիր, և՛ իշխանական դեմքերի թիկնազորները։  Այսօր նաև ՆԳՆ թիրախում է հայտնվել գործարարներին սպասարկող թիկնազորը։

Hayastan.news-ի տեղեկություններով՝ քիչ առաջ հատուկջոկատայինները Երևանի կենտրոնում կանգնեցրել են «Գրանդ Հոլդինգ» («Գրանդ Քենդի») ընկերության սեփականատերեր Միքայել և Կարեն Վարդանյանների թիկնազորի շարասյունը։ Ներքին գործերի նախարարության ծառայողները որոնել են ապօրինի զենք,  «փռել են» ասֆալտին Վարդանյանների անվտանգության աշխատակիցներին։

Ըստ մեկ այլ աղբյուրի՝ անվտանգության աշխատակցիները տեղափոխվել են ոստիկանություն։