Ուկրաինայի զինուժը հարվածել է Սուջայի երկրագիտական թանգարանի շենքին․ զոհ ու վիրավորներ կան
Ուկրաինայի զինուժը հարված է հասցրել Սուջայի երկրագիտական թանգարանի շենքին․ տելեգրամյան ալիքում գրել է Կուրսկի մարզպետ Ալեքսանդր Խինշտեյնը։
«Հարվածել են տեղի երկրագիտական թանգարանի շենքին, որը 19-րդ դարավերջի ճարտարապետական հուշարձան էր (այսպես կոչված Չուպիլովի տուն):
Ըստ նախնական տեղեկությունների՝ մահացել է թանգարանի աշխատակցուհին, որը օկուպացիայի ժամանակ մնացել էր Սուջայում և այսօր եկել էր թանգարան՝ ստուգելու դրա վիճակը։ Եվս երկու աշխատակից տուժել են և այժմ տեղափոխվում են բուժհաստատություն։ Պատմական շենքը, ցավոք, ոչնչացվել է»,-գրել է Խինշտեյնը։
