Մակրոնը հայտարարել է Գերմանիայի հետ սահմանին գտնվող ավիաբազայում միջուկային զենք տեղակայելու մտադրության մասին

Գերձայնային միջուկային մարտագլխիկներով Rafale կործանիչները կտեղակայվեն Գերմանիայի հետ սահմանին գտնվող ավիաբազայում 2035 թվականին․ РИА Новости գործակալության փոխանցմամբ, այս մասին հայտարարել է Ֆրանսիայի նախագահ Էմանուել Մակրոնը։

«2035 թվականին Լյուքսեյը կդառնա առաջին ավիաբազան, որտեղ կտեղակայվի Rafale-ի նոր մոդիֆիկացիան գերձայնային միջուկային մարտագլխիկներով», – հայտնել է Մակրոնը՝ ելույթ ունենալով Լյուքսեյի ավիաբազայում գտնվող զինվորականների հետ հանդիպման ժամանակ: