Սերբիայի խորհրդարանականները հաստատել են կառավարության հրաժարականը

Սերբիայի խորհրդարանի պատգամավորները չորեքշաբթի հավանություն են տվել վարչապետ Միլոշ Վուչևիչի հրաժարականին․ գրում է Интерфакс-ը՝  հղում տալով սերբական RTS հեռուստաալիքին։

«Վարչապետի հրաժարականի հաստատումը նշանակում է, որ կառավարությունը դառնում է տեխնիկական (բոլոր նախարարները դառնում են նախարարի պաշտոնակատար): Բացի այդ, այսօրվանից սկսվում է 30-օրյա ժամկետի հետհաշվարկը, որում պետք է կազմվի կառավարության նոր կազմը», – տեղեկացնում է հեռուստաալիքը։

Վուչևիչը հունվարի 28-ին հայտարարեց իր հրաժարականի մասին այն բանից հետո, երբ 2024 թվականի նոյեմբերի սկզբին Նովի Սադ քաղաքի երկաթուղային կայարանում տանիքի մի մասը փլուզվեց, ինչի հետևանքով 15 մարդ զոհվեց։