ԵՄ առաջնորդները կքննարկեն Ուկրաինային տրամադրվող անվտանգության միջոցառումների ուժեղացման հարցը
Այսօր Ուկրաինայում խաղաղության հաստատման վերաբերյալ բարձր մակարդակի երկու հանդիպում է նախատեսված Եվրոպայում․ գրում է BBC-ն։
ԵՄ առաջնորդները Բրյուսելում կքննարկեն իրենց պաշտպանական ռազմավարությանը և Ուկրաինային տրամադրվող անվտանգության միջոցառումների ուժեղացմանն առնչվող հարցեր։ Միևնույն ժամանակ Լոնդոնում տեղի կունենա «պատրաստակամների կոալիցիայի» պաշտպանական գերատեսչությունների ղեկավարների դռնփակ հանդիպումը։
«Պատրաստակամների կոալիցիան» Մեծ Բրիտանիայի և Ֆրանսիայի կողմից կազմված ոչ պաշտոնական խումբ է, որի նպատակն է հրադադարի վերաբերյալ որևէ համաձայնության ձեռք բերվելու դեպքում խաղաղապահ առաքելություն ուղարկել Ուկրաինա։
