Հայաստանի վարչապետի հետ քննարկեցինք ռազմավարական գործընկերության, տարածաշրջանային և գլոբալ հարցեր․ Կոբախիձե
Վրաստանի վարչապետ Իրակլի Կոբախիձեն անդրադարձել է Հայաստան կատարած այցին։
«Հայաստան կատարած իմ այցի ժամանակ հանդիպեցի Հայաստանի վարչապետին։ Համակողմանի քննարկում ենք ունեցել՝ շեշտը դնելով մեր ռազմավարական գործընկերության, ինչպես նաև տարածաշրջանային և գլոբալ հիմնախնդիրների վրա:
Մեր հարաբերությունների ուժեղ և դրական դինամիկան, որն ամրապնդվում է մարզական և մշակութային կապերով, հաստատում է մեր ժողովուրդների խորը կապերը: Վստահ եմ, որ այս իրադարձությունն էլ ավելի կամրապնդի մեր համագործակցությունը և կնպաստի մեր ընդհանուր հաջողությանը», – գրել է Վրաստանի վարչապետը X-ի իր միկրոբոլոգում։
