Գերմանիան 13 տարի անց վերաբացել է Սիրիայում դեսպանատունը
Գերմանիան 13 տարի անց, մարտի 20–ին վերաբացել է իր դեսպանատունը Դամասկոսում․ հայտնում է Deutsche Welle-ն։
Սիրիայում քաղաքացիական պատերազմի պատճառով 2012 թ.–ին փակված դեսպանատունը պաշտոնապես վերաբացել է Գերմանիայի արտգործնախարար Աննալենա Բաերբոքը, որը Սիրիայի նախկին նախագահ Բաշար ալ Ասադի վարչակարգի տապալումից հետո արդեն երկրորդ անգամ է այցելել Սիրիա։
Նշվում է, որ Գերմանիայի՝ փոքրաթիվ դիվանագետներ կվերսկսեն իրենց գործունեությունը Դամասկոսում, սակայն հյուպատոսական աշխատանքները, օրինակ՝ վիզաների տրամադրումը, կշարունակվեն Բեյրութում:
