Բալթյան երկրները դեմ են Ուկրաինայում հրադադարի հաստատմանը
Բալթյան երկրների պաշտպանության նախարարները դեմ են Ուկրաինայում հրադադարի հաստատմանը ենթադրյալ ռուսական սպառնալիքի պատճառով․ գրում է Financial Times-ը՝ վկայակոչելով Էստոնիայի և Լիտվայի պաշտպանության նախարարներ Հաննո Պևկուրին և Դովիլե Շակալենեին։
«Մենք բոլորս հասկանում ենք, որ հրադադարից հետո Ռուսաստանը շատ արագ կվերաբաշխի իր ուժերը․ դա նշանակում է, որ սպառնալիքի մակարդակը զգալիորեն և շատ արագ կաճի»,- լրագրողներին ասել է Պևկուրը։
Պաշտոնյաները դեմ են արտահայտվել նաև Ուկրաինայում ՆԱՏՕ-ի ստորաբաժանումների տեղակայմանը, քանի որ դա, նրանց կարծիքով, կթուլացնի դաշինքի արևելյան թևը։
