
Հունաստանը պատրաստվում է 25 միլիարդ եվրո ծախսել բանակի արդիականացման համար
Հունաստանի վարչապետ Կիրակոս Միցոտակիսը տեղեկացրել է երկրի բանակի արդիականացման համար 25 մլրդ եվրո ծախսելու մտադրության մասին: Նրա խոսքով՝ սա լինելու է ժամանակակից պատմության կարևորագույն պաշտպանական վերափոխումը:
«Մի աշխարհում, որը փոխվում է անկանխատեսելի ռիթմերով, Հունաստանն ունի 25 միլիարդ եվրո՝ երկրի ժամանակակից պատմության ամենակարևոր բարեփոխումներն իրականացնելու համար», – ասել է նա:
Իր պնդմամբ՝ «Աքիլեսյան վահան» հակահրթիռային և հակաօդային պաշտպանության նոր գմբեթը ուղղված է լինելու արագ փոփոխվող աշխարհաքաղաքական մարտահրավերներին դիմակայելուն և ՆԱՏՕ-ի հետ կապերը ամրապնդելուն: