Իսրայելի վարչապետը հայտարարել է Գազայի հատվածում նոր տարածքներ գրավելու մասին
Իսրայելի վարչապետ Բենիամին Նեթանյահուն հայտարարել է, որ պաղեստինյան ՀԱՄԱՍ շարժման վրա ռազմական ճնշումն ուժեղացնելու նպատակով բանակը նոր տարածքներ է գրավել Գազայի հատվածի հարավում․ «Արմենպրես»-ի հաղորդմամբ՝ այս մասին նա հայտարարել է տեսաուղերձի ընթացքում:
«Նախորդ գիշեր նոր մակարդակի ենք անցել Գազայի հատվածում: Իսրայելի պաշտպանության բանակը գրավում է տարածքներ, հարվածներ է հասցնում ահաբեկիչներին, ոչնչացնում է ենթակառուցվածքները: Վերահսկողության տակ ենք վերցրել «Մորագի առանցքը»: Դա կլինի երկրորդ «Ֆիլադելֆիայի միջանցքը»՝ լրացուցիչ միջանցք»,- հայտարարել է Նեթանյահուն:
Նա ասել է, որ իսրայելական ուժերը շարունակում են պաղեստինյան հատվածի աստիճանական բաժանումը, որպեսզի ՀԱՄԱՍ-ին ստիպեն ազատ արձակել պատանդներին:
«Ճնշումը կուժեղանա այնքան ժամանակ քանի դեռ պատանդները չեն վերադարձվել: Մենք վճռական ենք այս պատերազմի նպատակներին հասնելու հարցում, գործում ենք անխոնջ, հստակ գծով և առաջադրանքով»,- եզրափակել է նա։
«Մորագի առանցքը» իսրայելցի զինվորականների ստեղծած ինժեներական կառույց է, որն անցնում է Գազայի և Եգիպտոսի սահմանին գտնվող Ֆիլադելֆիայի միջանցքից հարավ:
