Աշխարհից մեկուսացած ցեղախմբի հետ կապ հաստատելու փորձի համար զբոսաշրջիկ է ձերբակալվել

Հնդկական օվկիանոսի արգելված կղզիներից մեկը կատարած այցի պատճառով ամերիկացի զբոսաշրջիկ է ձերբակալվել․ գրում է BBC-ն։

24-ամյա Միխայլո Պոլյակովը, վայրէջք է կատարել Հյուսիսային Սենտինել կղզում՝ փորձելով կապ հաստատել մեկուսացված սենտինալյան ցեղախմբի հետ։ Զբոսաշրջիկը տեսանկարահանել է իր այցը՝ ափին թողնելով «Կոկա Կոլայի» շիշ և կոկոս:

Survival International խումբը, որը զբաղվում է ցեղախմբերի իրավունքների պաշտպանությաբ, հայտարարել է, որ զբոսաշրջիկի արարքը վտանգում է և՛ նրա, և՛ ցեղախմբի կյանքը՝ արարքը անվանելով «խորապես անհանգստացնող»:

Անդաման և Նիկոբար կղզիների ոստիկանապետ Դալիվալը AFP գործակալությանը հայտնել է, որ ԱՄՆ-ի քաղաքացի է ներկայացվել տեղի դատարան․ նրան երեք օրով կալանավորել են «հետագա հարցաքննության» համար։

Վկայակոչելով Դալիվալին՝ AFP-ն հաղորդում է, որ Պոլյակովը մոտ մեկ ժամ սուլել է` փորձելով գրավել ցեղախմբի ուշադրությունը: Այնուհետև նա մոտ հինգ րոպեով վայրէջք է կատարել՝ թողնելով իր նվերները, վերցնելով նմուշներ և տեսանյութ նկարելով:

Նշվում է, որ բնիկներին պաշտպանելու նպատակով օտարերկրացիներին կամ հնդիկներին արգելված է գտնվել կղզիներից 5 կմ հեռավորության վրա։