Թեհրանը պատրաստ է ԱՄՆ-ի հետ բանակցել հավասար պայմաններով, այլ ոչ թե սպառնшլիքների ներքո․ Փեզեշքիան
Թեհրանը պատրաստ է ԱՄՆ-ի հետ բանակցել հավասար պայմաններով, այլ ոչ թե սպառնալիքների ներքո։ Այս մասին, Tasnim գործակալության փոխանցմամբ, հայտարարել է Իրանի նախագահ Մասուդ Փեզեշքիանը՝ մեկնաբանելով Թեհրանի հաղորդումներից մեկում ԱՄՆ նախագահ Դոնալդ Թրամփի հարձակման սպառնալիքները։
«Իրանը հավասար պայմաններով երկխոսություն է ուզում։ Մի կողմից՝ սպառնում են Իրանին, մյուս կողմից՝ բանակցություններ են ուզում։ Եթե բանակցություններ եք ուզում, ի՞նչ իմաստ ունի սպառնալ։ Այսօր ԱՄՆ-ն իրեն նվաստացուցիչ է պահում ոչ միայն Իրանի, այլև ամբողջ աշխարհի նկատմամբ»,- ասել է Իրանի նախագահը։
