Մտադիր եմ մոտ ապագայում այցելել Հայաստան․ Հունաստանի ԱԳ նախարար
Հունաստանի արտաքին գործերի նախարար Գիորգոս Գերապետիտիսը հայտարարել
է, որ մոտ ապագայում մտադիր է այցելել Հայաստան․ այս մասին Հունաստանի արտաքին գործերի
նախարարն հայտարարել է Եվրամիության ԱԳ նախարարների խորհրդի նիստի մեկնարկին․ հաղորդում
է «Արմենպրես»-ը։
«Մենք այսօր արտաքին հարաբերությունների խորհուրդ ենք եկել ծանր
ու կարևոր օրակարգով։ Սկսելու ենք Հայաստանի և Եվրամիության միջև հարաբերությունների
հարցից։ Հունաստանը ողջունում է Հարավային Կովկասում ներկայումս ընթացող խաղաղ գործընթացը։
Հունական պետության ջանքերի շնորհիվ Հայաստանն այսօր հրավիրված է Արտաքին գործերի խորհուրդ՝
ներկայացնելու ավելի լայն տարածաշրջանում կայուն խաղաղությանը միտված դիրքորոշումները։
Ես անձամբ երկար զրուցել եմ Հայաստանի արտաքին գործերի նախարարի հետ և մտադիր եմ մոտ
ապագայում այցելել Հայաստան, ինչպես նաև այսօր հնարավորություն կունենամ տեսնելու երկու
երկրների՝ և՛ Հայաստանի, և՛ Ադրբեջանի արտաքին գործերի նախարարներին»,- հայտարարել
է Հունաստանի ԱԳ նախարարը։
