Իրանը պատրաստ է նպաստել Հարավային Կովկասի տարածաշրջանում կայուն խաղաղությանը․ Նասեր Քանանի
Իրանը դրական քայլ է համարում և ողջունում է Ադրբեջանի և
Հայաստանի համատեղ հայտարարությունը ձերբակալվածների ազատ արձակման վերաբերյալ․ այս
մասին այսօր ճեպազրույցում հայտարարել է Իրանի արտաքին գործերի նախարարության մամուլի
քարտուղար Նասեր Քանանին։
«Իրանը պատրաստ է նպաստել Հարավային Կովկասի տարածաշրջանում կայուն
խաղաղությանը: Կայուն խաղաղության հասնելը պահանջում է խաղաղության ամրապնդում և տարածաշրջանի
երկրների միջև վստահության մթնոլորտ»,-նշել է նա։
Նրա խոսքով՝ Իրանը հուսով է, որ այս միջոցները կհանգեցնեն երկու
կողմերի միջև խաղաղության և կայունության:
«Իրանի Հանրապետությունը պատրաստ է օգնել երկու երկրներին՝ հանուն
խաղաղության և անվտանգության»,-հավելել է Քանանին։
