Մենք չենք կարող թույլ տալ, որ Ադրբեջանը խախտի Հայաստանի տարածքային ինքնիշխանությունը․ Ֆրենկ Փալոն
Կոնգրեսական Ֆրենկ Փալոնեն X-ի միկրոբլոգում գրառում է կատարել ԱՄՆ-ում Հայոց ցեղասպանության զոհերի հիշատակին նվիրված միջոցառման վերաբերյալ և հայտնել իր աջակցությունը․ «Ես համերաշխություն եմ հայտնում հայ ժողովրդին, որը նշում է Հայոց ցեղասպանության 110-ամյակը Թայմս Սքվերում։ Ես կշարունակեմ աշխատել Կոնգրեսում՝ ամրապնդելու ԱՄՆ-ի և Հայաստանի հարաբերությունները, ներառյալ՝ Հայաստանի պաշտպանության համար ռազմական օգնությունը և հայերի՝ Արցախ վերադառնալու իրավունքը։ Մենք չենք կարող թույլ տալ, որ Ադրբեջանը խախտի Հայաստանի տարածքային ինքնիշխանությունը»։
