Միջադեպ` Վահագն Ալեքսանյանի մոր մասնակցությամբ. պատգամավորն արձագանքել է
Միջադեպ է տեղի ունեցել Ազգային ժողովի «Քաղաքացիական պայմանագիր» խմբակցության պատգամավոր Վահագն Ալեքսանյանի մոր և «Չեմ վստահում» նախաձեռնության երիտասարդ ակտիվիստների միջև։
Ըստ մամուլի հրապարակումների` տարեց կինը մոտեցել է ակտիվիստներին, սկսել է վիրավորել նրանց և ընդդիմության տարբեր առաջնորդներին։
Կինը ձեռնափայտով նաև հարվածել է ակցիայի մասնակիցներին։
Պատգամավոր Վահագն Ալեքսանյանը իր ֆեյսբուքյան էջում անդրադարձել է միջադեպին՝ նշելով, որ բողոքի ակցիա իրականացնող մի խումբ անձինք փորձել են համոզել իր մորը ստորագրել իրենց պահանջագրի տակ, իսկ երբ պարզել են, որ նա պատգամավորի մայրն է, շրջափակել են, ձայներ հանել և վիրավորել։ Ալեքսանյանը հայտարարել է, որ նման գործողությունները քաղաքական պատասխան են ստանալու։
Տեսանյութերն՝ այստեղ։
