Ինքնազգացողության վատթարացման պատճառով Սերբիայի նախագահը ընդհատել է իր այցը ԱՄՆ և վերադարձել է հայրենիք

Սերբիայի նախագահ Ալեքսանդր Վուչիչը կիսատ է թողել իր այցը ԱՄՆ, նա հոսպիտալացվել է Բելգրադի Ռազմաբժշկական ակադեմիա, հաղորդում է РТС հեռուստաընկերությունը։

Բժիշկների զննումից հետո նա որոշել է վերադառնալ Սերբիա։

Հինգշաբթի Սերբիայի նախագահը Ֆլորիդայում հանդիպել է Նյու Յորքի նախկին քաղաքապետ Ռուդոլֆ Ջուլիանիի հետ։

Հայտարարվել էր, որ նա նաեւ կհանդիպի Հանրապետական կուսակցության մի քանի բարձրաստիճան պաշտոնյաների հետ։