Իրանում կայծակի հարվածի հետևանքով զոհեր և տուժածներ կան
Իրանի արևմուտքում՝ Քերմանշահ նահանգում, կայծակի հարվածի հետևանքով երկու մարդ է զոհվել, ևս չորսը տուժել են, հաղորդում է Tasnim գործակալությունը։
«Ցավոք, Կենտրոնական շրջանի կազմում գտնվող Ռավանսար շրջանի Քորե Հասանաբադ գյուղում կայծակի հարվածի հետևանքով երկու հայրենակից զոհվել է, ևս երեքը ստացել են վնասվածքներ։
Բացի այդ, Ջավանռուդ-Ռավանսար ավտոճանապարհին տեղի ունեցած առանձին միջադեպում մեկ քաղաքացի նույնպես տուժել է կայծակի հարվածից և այժմ գտնվում է բժշկական հսկողության ներքո» , – ասվում է նահանգի արտակարգ իրավիճակների կառավարման մարմնի ղեկավարի հայտարարության մեջ։
