Նեթանյահուի այցը Ադրբեջան հետաձգվել է
Իսրայելի վարչապետ Բենիամին Նեթանյահուի այցը Ադրբեջան հետաձգվել է․ գրում են ադրբեջանական լրատվամիջոցները՝ հղում տալով Իսրայելի վարչապետի գրասենյակին։
«Գազայի հատվածում և Սիրիայում տեղի ունեցող իրադարձությունների, ինչպես նաև քաղաքական միջոցառումների և անվտանգության միջոցառումների խիտ ժամանակացույցի լույսի ներքո, Նեթանյահուն որոշել է իր այցը Ադրբեջան հետաձգել մեկ այլ ամսաթվի։ Վարչապետը շնորհակալություն է հայտնել նախագահ Ալիևին հրավերի համար և բարձր է գնահատել երկու երկրների միջև ջերմ հարաբերությունները», – ասվում է հայտարարության մեջ։
Ավելի վաղ հաղորդվել էր, որ Նեթանյահուն Ադրբեջան կայցելի մայիսի 7-ին և այցը կտևի մինչև մայիսի 11-ը։
