Գետերը դիեր են բերում, իսկ Մարմարիկում դեռ փնտրում են 2-ամյա Տիգրանին

Մայիսի 4-ից Մարմարիկը չի հանդարտվում:

2 տարեկան Տիգրանը շատ փոքր է, 9 օր է փնտրում են գետում, հարակից գյուղերում, թուփ ու ծառի տակ, բայց չկա։

Մարմարիկի ափերը Տիգրանի հարազատների մշտական հասցեն է դարձել։ Փրկարարների կողքից մի քայլ չեն հեռանում։ Փոքրիկի քեռի Արսեն Ղազարյանը հիշում է՝ Տիգրանի ծնվելու լուրը առաջինն իրեն են հայտնել։ Իրենց սովորական առօրյայով էին ապրում մինչև մայիսի 4-ը։ Նեղացած են համացանցում շրջանառվող դատարկաբանություններից ու դատարկաբանողներից։ Վերքին աղ են լցնում, կարո՞ղ են լռել։