Վրաստանի խորհրդարանը դատապարտել է ԱՄՆ Կոնգրեսի Ներկայացուցիչների պալատի կողմից ընդունված պատժամիջոցների օրինագիծը
Վրաստանի խորհրդարանը դատապարտել է «Ընկերների ակտը»՝ ԱՄՆ Կոնգրեսի Ներկայացուցիչների պալատի կողմից աջակցվող օրինագիծը, որը պատժամիջոցներ է նախատեսում Վրաստանի իշխանությունների դեմ․ տեղեկացնում է «Կվիրա» պորտալը։
Վերջին 11 տարիների ընթացքում քաղաքացիական ազատության առաջընթացով Վրաստանը զբաղեցրել է իններորդ տեղը աշխարհում՝ նշվում է Վրաստանի խորհրդարանի հայտարարության մեջ, որը վերաբերում է ԱՄՆ Ներկայացուցիչների պալատի կողմից ընդունված «Ընկերների ակտին»։
«Վրաստանում ապահովված է խաղաղ հավաքների իրավունքը՝ ամենաբարձր չափանիշներով։ Անցյալ տարվա նոյեմբեր-դեկտեմբերին իշխանություններին հաջողվել է կանխել սահմանադրական կարգի տապալման ծայրահեղ բռնի հնգօրյա փորձը, այնպես, որ հավաքների ցրման ժամանակ որևէ ցուցարարի առողջությանը երկարաժամկետ վնաս չի պատճառվել, այն դեպքում, երբ բռնարարների գործողությունների հետևանքով մեկ ոստիկան կորցրել է մի աչքի տեսողությունը։ Արդեն ավելի քան 150 օր է, շատ փոքրաթիվ մարդկանց խումբը հավաքվում է առանց իրավապահների միջամտության և ամեն օր փակում Թբիլիսիի կենտրոնական պողոտան։ Այսպիսի ազատության նախադեպ պատմության ընթացքում, հավանաբար, որևէ երկրում չի գրանցվել» — նշվում է հայտարարության մեջ։
