Արցախի նախագահ Արայիկ Հարությունյանի հրամանով Արցախի պետական
նախարար նշանակված Սամվել Շահրամանյանը մինչ այս զբաղեցնում էր երկրի Ազգային անվտանգության
քարտուղարի պաշտոնը։
Շահրամանյանը պետական համակարգում նորեկ չէ․
1999-2008թթ. ծառայել է ԼՂՀ ԿԱ Ազգային անվտանգության ծառայությունում: Ավելի ուշ՝
հարկային ծառայությունում։ Եղել է Արցախի գլխավոր հարկադիր կատարողը, աշխատել ոստիկանական
համակարգում։
2018-2020թթ․-ին եղել է ԱՀ ԱԱԾ տնօրենը, 2020 թվականի մայիսի 29-ին նշանակվել
է ԱՀ ռազմահայրենասիրության, երիտասարդության, սպորտի և զբոսաշրջության նախարար: Ունի
գեներալ-մայորի զինվորական կոչում։