Դիմադրություն առանց այլընտրանքի. իմպիչմենտին չեն հավատում նույնիսկ ընդդիմադիրները
Իմպիչմենտի գործընթացը դեռ չսկսած՝ անհաջող ավարտին է մոտենում։ Բոլորը խոսում են գործող ղեկավարին հեռացնելու անհրաժեշտության մասին, բայց գործընթացը նախաձեռնում են նախկին իշխանականները, և որպես նոր վարչապետի թեկնածու առաջ քաշում քաղաքական մի գործչի անուն, որը դեռ մեկ տարի առաջ աշխատում էր գործող վարչապետի անմիջական հսկողության ներքո։ Էդմոն Մարուքյանի թեկնածությունը՝ որպես Փաշինյանին հեռացնելու գործիքի առանցք, արդեն իսկ լուրջ հարցեր է առաջացրել։ Ընդդիմությունը դեմ է Մարուքյանի թեկնածությանը, բայց փոխարենը չի էլ առաջադրում որևէ անուն, ասում են՝ չունեն վարչապետի թեկնածու։ Դիմադրություն՝ առանց այլընտրանքի․ Քաղաքական վակուու՞մ, թե՞ համակարգային խաղ։
