Պեսկովը վտանգավոր է անվանել Ուկրաինայի կողմից Ռուսաստանին հեռահար հրթիռներով հարվածելու Արևմուտքի սահմանափակումները վերացնելու որոշումը
Եվրոպական մի շարք երկրների՝ Ուկրաինայի կողմից Ռուսաստանի տարածքին հրթիռային հարվածների հեռահարության սահմանափակումները վերացնելու որոշումը պոտենցիալ վտանգավոր է և հակասում է կարգավորման փորձերին: Այս մասին Life պարբերականի հետ զրույցում հայտարարել է ՌԴ նախագահի մամուլի քարտուղար Դմիտրի Պեսկովը։
«Այդ որոշումները, եթե իրականում նման որոշումներ կայանան, բացարձակապես հակասում են քաղաքական կարգավորման հասնելու մեր ձգտումներին և այն ջանքերին, որոնք այժմ արվում են կարգավորման շրջանակներում»,- նշել է նա։
«Այսինքն, սա բավականին վտանգավոր որոշում է», – ամփոփել է Պեսկովը։
