Դատարանը սահմանափակել է Թրամփի՝ մաքսատուրքեր սահմանելու իրավունքը
Մայիսի 28-ին ԱՄՆ դաշնային դատարանը որոշում կայացրեց արգելել ԱՄՆ նախագահ Դոնալդ Թրամփին մաքսատուրքեր սահմանել՝ վկայակոչելով լիազորությունների չարաշահումը. այս մասին հաղորդում է Reuters-ը՝ հղում անելով դատարանին։
«Նախագահը գերազանցել է իր լիազորությունները՝ համապարփակ մաքսատուրքեր սահմանելով այն երկրներից ներմուծվող ապրանքների վրա, որոնք ԱՄՆ-ին ավելի շատ են վաճառում, քան գնում», – ասված է դատարանի որոշման մեջ։
Նշվում է, որ մաքսատուրքեր սահմանելիս ԱՄՆ նախագահը ղեկավարվել է Միջազգային արտակարգ տնտեսական լիազորությունների մասին օրենքով (IEEPA): Դատարանը պարզել է, որ Թրամփը գերազանցել է նախագահին IEEPA-ի շրջանակներում տրված լիազորությունները։
Գործակալության տվյալներով՝ ԱՄՆ առաջնորդի վարչակազմը գրեթե անմիջապես բողոքարկման ծանուցում է ներկայացրել։
