Հումանիտար շարասյունն ուղեկցելու նպատակով Փարիզի քաղաքապետը Հայաստանում է

Փարիզի քաղաքապետ Անն Իդալգոն Հայաստանում է։ Այս մասին նա գրառում է արել X-ի իր միկրոբլոգում։

«Ես Հայաստանում եմ Փարիզի և այլ համայնքների ընտրյալների հետ։ Ինը ամիս շարունակ Արցախի 120.000 հայ, այդ թվում՝ 30.000 երեխա, մեկուսացված են, քաղցած, զրկված ամեն ինչից։

Այս հումանիտար աղետին բախվելով՝ մենք նրանց շտապ օգնություն ենք ցուցաբերում։ Ժամանակը սպառվում է»,- գրել է Իդալգոն: