Կոնգրեսականներ Բրեդ Շերմանն ու Ադամ Շիֆը Լոս Անջելեսում մասնակցել են Ադրբեջանի հյուպատոսարանի մոտ ամերիկահայերի ակցիային
Արևմտյան Ամերիկայի համահայկական խորհուրդը Լոս Անջելեսում Ադրբեջանի
հյուպատոսարանի առջև ակցիա է կազմակերպել, որի ժամանակ ելույթ են ունեցել նաև ԱՄՆ կոնգրեսականներ
Ադամ Շիֆը և Բրեդ Շերմանը։
Ակցիայի մասնակիցներն ԱՄՆ նախագահի վարչակազմին կոչ են արել գործնական
քայլեր ձեռնարկել Ադրբեջանի կողմից Լաչինի միջանցքի շրջափակումը վերացնելու և հայերի
դեմ երկրորդ ցեղասպանությունը կանխելու ուղղությամբ։
Բրեդ Շերմանը, խոսելով Արցախում շրջափակված 120 հազար մարդկանց
մասին, նշել է, որ Ադրբեջանն օգտագործում է «պատերազմական հանցագործությունների ամենադաժան
զենքը՝ սովամահությունը»։
«Մենք ականատես ենք լինում Արցախում ծավալվող հումանիտար աղետի։
Մենք պետք է պատասխանատվության ենթարկենք Ալիևի վարչակարգին և վերջ դնենք Ադրբեջանին
ԱՄՆ-ի ռազմական աջակցությանը», – ակցիայից հետո X-ի իր միկրոբլոգում գրել է նա։
