Էջմիածնում ոգին հաղթական էր, օրը՝ տոնական
Իշխանությունների կողմից սանձազերծված հակաեկեղեցական արշավը լրջագույն սպառնալիք է մեր ազգային միաբանությանը, մեր երկրի ներքին կայունությանը և ուղիղ հարված՝ հայոց պետականությանը։ Իշխանության կողմից եկեղեցու դեմ իրականացվող արշավին է անդրադարձել Ամենայն Հայոց Կաթողիկոսը։
Հայաստանի տարբեր անկյուններից մարդիկ այսօր եկել էին Սուրբ Էջմիածին՝ աջակցելու Հայ Առաքելական եկեղեցուն ու մասնակցելու Էջմիածնի տոնին։
Ամեն տարի այս տոնին հայոց հոգևոր մայրաքաղաքը մարդաշատ է լինում, բայց այս տարին բացառիկ են համարում հոգևոր այրերը։ Բացառիկ, որովհետև Հայաստանի գործող իշխանությունը վարում է հակաեկեղեցական քաղաքականություն։ Թե ինչո՞ւ, չգիտեն հոգեվորականները, վստահ են միայն, որ անկախ հետապնդած նպատակից՝ իշխանությունը, չի հաջողելու։
