Ի՞նչ է թելադրում Անկախության հռչակագիրը կամ Անկախության 10 պատվիրանների սեփական ընկալումը

Genesis Armenia ուղեղային կենտրոն/հիմնադրամի տնօրեն, քգթ, դոցենտ
Աբրահամ Գասպարյանը իր ֆեյսբուքյան էջում խոսել է Անկախության հռչակագրի, Անկախության
10 պատվիրանների սեփական ընկալման մասին։

«1- ինքնամաքրվել, լինել կարգապահ, առաջադեմ, զարգացող,

2- կրթվել, սիրել աշխատանքն ու գիտելիքը, տարածել այն,

3- չվախենալ լինել նորարար ու համարձակ, սիրել իմաստությունն ու
խրատը, քրտնաջան աշխատել՝ զարգացնելու անձն ու հավաքականությունը,

4- անձակենտրոն աշխարհայացքն ստորադասել հավաքական Արդարակարգին՝
ընկերվարականին,

5- Հայրենիքի գաղափարը չսահմանափակել իրավական-ինստիտուցիոնալ եզրույթով՝
Հանրապետություն, թե միապետություն,

6- չհրաժարվե՛լ ազգային երազանքից, հայության խլված իրավունքների
վերականգնումը համարել անժամանցելի և սերունդների պատասխանատվություն,

7- զուգորդել ազգային ու պետական շահը, անվտանգության մեխանիզմների
մշտական կատարելագործումը դիտարկել զարգացման գրավական,

8- քաղաքականապես հասունանալ, ապավինել ոչ թե օտարին, այլ հայության
հավաքական ներուժին,

9- բաց լինել աշխարհին, չհռչակել թշնամիներ, բայցև չզիջել ազգային
սկզբունքները, նպատակներն ու արժեքները,

10- հավատալ հայրենիքի հավերժականության գաղափարին ու այն փոխանցել
սերունդներին:

Շնորհավո՛ր Անկախության հռչակագրի 33-րդ տարեդարձը:

Պի՛նդ եղեք»,-գրել է նա: