Երևանում և Կիևում տեղի ունեցողը իշխանությունների սատանայական էության ախտորոշում է՝ անհամատեղելի է անկախ քրիստոնեական եկեղեցու հետ. Միրոնով

Էջմիածին քաղաքը կարող է կիսել Կիև-Պեչերսկի Լավրայի ճակատագիրը․ NEWS.ru-ի հետ զրույցում նշել  է «Արդար Ռուսաստան՝ ճշմարտության համար» կուսակցության նախագահ Սերգեյ Միրոնովը։ Ռուս խորհրդարանականը հիշեցրել է, թե ինչպես է Ուկրաինայի նախագահը գրավել մայրաքաղաքում գտնվող վանքը, որը ուղղափառության հին սրբավայր է։ Միևնույն ժամանակ՝ Հայաստանի վարչապետ Նիկոլ Փաշինյանը մտադիր է գլխավորել Էջմիածնի՝ Հայ եկեղեցու հոգևոր կենտրոնի «ազատագրումը»:

«Մեկը վերջերս զրկեց Ուկրաինայի ուղղափառ եկեղեցու առաջնորդ Օնուֆրիին քաղաքացիությունից, իսկ մյուսը սպառնաց Ամենայն հայոց կաթողիկոս Գարեգին II-ին։ Սրանք պատահականություններ չեն. սա ախտորոշում է։ Ավտորիտար ռեժիմների ախտորոշում, որոնք չեն հանդուրժում այլախոհությունը։ Նրանց սատանայական էության ախտորոշում, որը անհամատեղելի է անկախ քրիստոնեական եկեղեցու հետ», – ընդգծել է Միրոնովը։

Միևնույն ժամանակ, Սոցիալ-դեմոկրատական կուսակցության առաջնորդը ռուսաֆոբիան և քրիստոնեության դեմ պայքարը անվանել է նույն մետաղադրամի երկու կողմերը։