Թուրքիայում Էրդողանին վիրավորելու համար ձերբակալվել է 16-ամյա քաղաքացի

Ստամբուլում 16-ամյա քաղաքացին ձերբակալվել և մեղադրվում է  «Թուրքիայի նախագահ Ռեջեփ Թայիփ Էրդողանին վիրավորելու» և «Բացահայտորեն ատելություն և թշնամանք հրահրելու» հոդվածների հատկանիշներով․ գրում է Ermenihaber-ը։

Նշվում է, որ քաղաքացին ձերբակալվել է սոցանցերում  նախագահ Էրդողանի հասցեին վիրավորական գրառումներ անելու համար։

Անչափահաս քաղաքացու փաստաբանները ձերբակալությունը խիստ միջոց համարելու հիմքով պահանջել են նրան ազատ արձակել, իսկ հակառակ դեպքում՝ կիրառել դատական վերահսկողություն։