Թաիլանդի վարչապետը հայտարարել է Կամբոջայի հետ լայնամասշտաբ պատերազմի հավանականության մասին
Թաիլանդի վարչապետի պաշտոնակատար Ֆումտհամ Վեչայաչայը զգուշացրել է, որ Թաիլանդի և Կամբոջայի միջև բախումները կարող են վերածվել լայնածավալ պատերազմի:
Նա նշել է, որ մարտական գործողությունների ընթացքում կողմերը կիրառում են ծանր զինատեսակներ, իսկ մարտերը տարածվել են սահմանամերձ 12 շրջաններում. Թաիլանդի որոշ շրջաններում նույնիսկ հայտարարվել է ռազմական դրություն:
Թաիլանդը նաև մեղադրել է Կամբոջային քաղաքացիական բնակչության վրա հարձակումների համար և տարհանել բոլոր գյուղերը, որոնք ընկնում են հրթիռների գործողության շառավղի մեջ։
Կամբոջան, իր հերթին, մեղադրել է Թաիլանդին կասետային զինամթերք օգտագործելու համար:
Հիշեցնենք՝ վերջին օրերին ռազմական բախումներ են տեղի ունենում երկների միջև. մարտերի հետևանքով երկու կողմից զոհվել է առնվազն 16 մարդ, տեղահանվել են տասնյակ հազարավոր մարդիկ:
