Ռուսաստանում բեռնատար գնացքը բախվել է ավտոբուսին

Առավոտյան Լենինգրադի մարզում ավտոբուսի և բեռնատար գնացքի բախման հետևանքով զոհվել է մեկ մարդ, ևս 16-ը՝ տուժել. 

«Լենինգրադի մարզի առողջապահության կոմիտեի տվյալներով՝ Լոդեյնոյե պոլե շրջանի Ինեմա անցակետում ավտոբուսի և բեռնատար գնացքի բախման հետևանքով զոհվել է մեկ մարդ, տուժել՝ ևս 16-ը. նրանցից յոթը գտնվում է ծանր վիճակում», – ասվում է հայտարարության մեջ։

Մարզային ոստիկանության վարչության տեղեկություններ համաձայն՝ մահացածը 1957 թվականին ծնված կին է: Ավտոբուսում եղել է նաև երկու երեխա. բարեբախտաբար, նրանք չեն տուժել։