Թքելու համար՝ ազատություն, ջուր լցնելու համար՝ բանտ․ զոհվածի հայրը դատապարտվեց

Զոհված զինծառայողի հայր Գարիկ Գալեյանը ազատազրվել է 1 տարի 6 ամիս ժամկետով խուլիգանության հոդվածով։

Դատարանի վճիռն անընդունելի է համարում փաստաբանը․ իրավական ու բարոյական որևէ հիմք առկա չէ: 2022 թվականի հունիսի 30-ին դատախազության դիմաց հերթական ակցիայի ժամանակ Ռոման Բաղդասարյանն ու Դավիթ Ստեփանյանը մոտենում են՝ ֆիլմի նկարահանում անելու համար։ Ակցիա իրականացնող ծնողները թույլ չեն տալիս իրենց նկարել, խոսակցությանը հաջորդում է վեճ զոհված զինծառայողների ծնողների և երկու քաղաքացու միջև։ Ըստ փաստաբանի՝ այդ պահին սթափեցնելու համար Գալեյանը խմելու ջուրը լցրել է նրանց գլխին։