ՄԱԿ-ի հայաստանյան գրասենյակի դիմաց բողոքի ակցիա է՝ Արցախի
ապաշրջափակման պահանջով:
Ակցիայի մասնակիցները նշում են՝ Արցախում
վիճակն օր օրի վատանում է։
«Ինչպես տեսնում եք՝ հումանտար աղետի հետևանքները մարդիկ իրենց
մաշկի վրա են զգում: Արցախում արդեն մահացել է ինչ-որ մեկի հարազատը, առևանգվել ինչ-որ
մեկի հայրիկը»,-ասաց ակցիայի մասնակիցներից մեկը:
Ցուցարարները պահանջում են միավորվել Արցախի շուրջ և կանխել հումանիտար
աղետը՝ նշելով, որ Ադրբեջանը կոպտորեն խախտում է մարդկանց կենսական իրավունքները։
«Մենք այսօր ՄԱԿ-ի հայաստանյան գրասենյակի առջև ենք, որպեսզի բարձրացնենք այն խնդիրները,
որոնք Արցախում են: Քաղաքակիրթ աշխարհը լուռ է, իսկ Արցախում Ադրբեջանն իրականացնում
է էթնիկ զտման և ցեղասպանական քաղաքականություն։ Պետականություն ունենալու ենք միայն
մեր համառ պայքարի, ամուր կամքի շնորհիվ»,-ասաց ակցիայի մասնակիցը:
