OpenAI-ն բացահայտել է, թե որքան է վաստակել ChatGPT հավելվածով

OpenAI ընկերության ChatGPT մոբայլ հավելվածը մայիս 2023-ից մինչև օրս իր ստեղծողներին բերել է 2 մլրդ դոլար, միջինում՝ 2,91 դոլար յուրաքանչյուր ներբեռնումից․ հայտնում է TechCrunch-ը։

Նշվում է, որ հիմնական աճը գրանցվել է 2025 թվականին․ տարվա առաջին յոթ ամսվա ընթացքում, եկամուտը կազմել է 1,35 մլրդ դոլար, ինչը 673%-ով ավելի է 2024 թվականի նույն ժամանակահատվածի համեմատ։ Հաշվարկներից պարզ է, որ մրցակիցների՝ Claude, Copilot և Grok հավելվածների ընդհանուր եկամուտը մոտավորապես 30 անգամ պակաս է։

Appfigures-ի տվյալների համաձայն, ChatGPT-ն ամսական մոտավորապես 193 մլն դոլար է վաստակում, մինչդեռ իր ամենամոտ մրցակից Grok-ը՝ xAI-ից, արտադրում է ընդամենը 3,6 մլն դոլար, որը կազմում է ChatGPT-ի ցուցանիշի 1,9%-ը։ Միայն մեկ ներբեռնումից միջին եկամուտը ChatGPT-ում գերազանցում է 2,9 դոլարը, մինչդեռ Grok-ում՝ 0,75, իսկ Copilot-ում՝ 0,28 դոլար։

Հավելվածի հիմնական շուկաներն են ԱՄՆ-ը (38%) և Գերմանիան (5,3%)։ Ներբեռնումների ամենամեծ թիվը գրանցվել է Հնդկաստանում (13,7%), որտեղ, ամենայն հավանականությամբ, օգտատերերի մեծ մասը օգտագործում է անվճար ծառայությունը։

Ընդհանուր ներբեռնումների թիվը հասել է 690 մլն, մինչդեռ Grok-ի ներբեռնումները կազմում են 39,5 մլն։

Ի դեպ,  նախօրեին Google-ի Gemini արհեստական բանականության համակարգը անակնկալ եկամուտներ է գրանցել Ռուսաստանում։