Միայն Դուք եք կարող վերադարձնել երեխաներին իրենց զրնգուն ծիծաղը. Մելանիա Թրամփի նամակը Պուտինին
Fox News-ը հրապարակել է ԱՄՆ նախագահ Դոնալդ Թրամփի տիկնոջ՝ Մելանիա Թրամփի նամակը, որը նա գրել էր Ռուսաստանի նախագահ Վլադիմիր Պուտինին:
Նամակում Մելանյա Թրամփը ասում է, որ բոլոր երեխաներն ունեն նույն երազանքները՝ անկախ նրանից, թե որտեղ են ծնվել.
«Երեխաները երազում են սիրո, հնարավորությունների և անվտանգության մասին: Իհարկե, մենք պետք է ձգտենք ստեղծել արժանապատիվ աշխարհ բոլորի համար, որպեսզի յուրաքանչյուր ոք արթնանա խաղաղության մեջ, իսկ ապագան՝ հուսալիորեն պաշտպանված լինի։
Այսօրվա աշխարհում շատ երեխաներ ստիպված են իրենց մեջ կրել լուռ ծիծաղ՝ բողոք այն ուժերի դեմ, որոնք կզրկեն նրանց իրենց ապագայից։
Պարո՛ն Պուտին, միայն Դուք կարող եք վերադարձնել երեխաներին իրենց զրնգուն ծիծաղը։ Պաշտպանելով այս երեխաների անմեղությունը՝ Դուք կծառայեք ոչ միայն Ռուսաստանին, այլև ողջ մարդկությանը։ Նման համարձակ գաղափարը վեր է մարդկանց բոլոր տարբերություններից, և Դուք, պարո՛ն Պուտին, կարող եք իրագործել այս տեսլականն այսօր գրիչի մեկ հարվածով. ժամանակը եկել է», – ասվում է Մելանյա Թրամփի նամակում։
Կրեմլը դեռևս չի մեկնաբանել ԱՄՆ առաջին տիկնոջ նամակը։
