Հայկական կողմը չի խախտի Իրանի «կարմիր գծերը»․ Իրանի հայ պատգամավոր
Իրանի խորհրդարանի հայ պատգամավորը՝ Գեղարդ Մանսուրյանը, ասել է, որ Իրանը կպաշտպանի Հայաստանի հետ սահմանների ներկա կարգավիճակը. գրում է Իրանի պետական IRNA գործակալությունը:
Մանսուրյանը, ով նաև Իրան-Հայաստան խորհրդարանական բարեկամության խմբի փոխնախագահն է, հայտարարել է, որ Կովկասը Իրանի և Հայաստանի համար «կենտրոնական գոտի է», ուստի երկու երկրի սահմանը չպետք է փակվի։
Նա նաև շեշտել է, որ Իրանի նախագահ Մասսուդ Փեզեշքիանի երկուշաբթի այցը Հայաստան կնպաստի երկկողմ հարաբերությունների ամրապնդմանը․ «Հայ պաշտոնյաները լավ գիտեն, որ երկրի անվտանգության կարևոր գործոններից մեկը Իրանն է»։
Մանսուրյանը հիշեցրել է 2020 և 2021 թվականների իրանական ռազմական վարժանքները, որոնք թույլ չեն տվել ուժի կիրառմամբ Սյունիքը բաժանել:
Նա անդրադարձել է նաև այս ամսվա սկզբին ԱՄՆ-ի միջնորդությամբ ստորագրված Երևանի և Բաքվի համաձայնագրին՝ Զանգեզուրի միջանցքի վերաբերյալ, նշելով, որ Իրանի մասնակցությունը միջանցքի հարցում կարևոր է։ Մանսուրյանը հայտնել է նաև, որ հայկական կողմն իրազեկ է Իրանի «կարմիր գծերին» և չի թույլ տա ազգային շահերի ու անվտանգության խախտում։
Նրա խոսքով՝ մտահոգություններ կան այն առնչությամբ, որ միջանցքի անվտանգությունը կարող են ապահովել ամերիկյան ընկերությունները, ինչը հայկական կողմը մերժել է։
